Իտալիոյ արտաքին գործոց նախարար Անճելինօ Ալֆանօ
յայտնեց, որ Հռոմ Լիբանանին կը զօրակցի տնտեսական եւ
զինուորական ոլորտներուն մէջ: «Լիբանան շրջանին մէջ լաւ
օրինակ մըն է ժողովրդավարութեան եւ բազմազանութեան
առումով», ըսաւ Ալֆանօ, իր լիբանանցի պաշտօնակից Ժըպրան
Պէսիլին հետ տրուած մամլոյ միացեալ ասուլիսին ընթացքին:
Ալֆանօ նաեւ տեսակցեցաւ Հանրապետութեան նախագահ
Միշէլ Աունի հետ եւ անոր փոխանցեց Իտալիոյ նախագահէն
հրաւէր մը` Հռոմ այցելելու համար: Ան դրուատեց սուրիացի
միլիոնաւոր գաղթականներ ընդունելու Լիբանանի որոշումը:
Նախարարը նաեւ յիշեցուց, որ Իտալիա Լիբանանի մէջ ներկայ
է խաղաղապահ ուժերուն միջոցաւ: Իտալացի պատասխա -
նատուն նաեւ տեսակցեցաւ վարչապետ Սաատ Հարիրիի հետ,
քննարկելու համար շրջանային զարգացումները, Հռոմ-Պէյրութ
յարաբերութիւնները: Նոյն թղթածրարները քննարկուեցան նա -
եւ Խորհրդարանի նախագահ Նեպիհ Պըրրիի հետ: Իտալացի
նախարարը ապա այցելեց խաղաղապահ ուժերու իտալական
գումարտակի կեդրոնատեղին:

recommend to friends
  • gplus
  • pinterest

Աւելցնել մեկնաբանութիւններ

Մեկնաբանություններ