Արցախի պաշտպանութեան բանակը յայտնեց, որ երէկ առաւօտ -
եան Արցախի սահմանային շփման գիծին վրայ հակառակորդը
դիմած է հերթական սադրանքին, որուն հետեւանքով զոհուած է
պաշտպանութեան բանակի զինուորներէն Նարեկ Գասպարեանը,
1997 թուականի ծնունդ:
Նշենք, որ այս միջադէպէն ժամեր առաջ, հայկական կողմը երեք
զոհ տուած էր սահմանային կրակոցներուն պատճառով: Արդարեւ,
Արցախի կեդրոնական ուղղութեամբ տեղակայուած զօրամասերէն
մէկուն պահպանութեան դիրքերուն վրայ զոհուեցան երեք հայ
զինուորներ` հակառակորդի կրակոցներուն պատճառով: Արայիկ
Մատինեան, Վիգէն Պետրոսեան եւ Վարդան Սարգսեան բոլորն ալ
1997-ի ծնունդ են: Աւելի ուշ, Արցախի Հանրապետութեան նախա -
գահ Բակօ Սահակեան որոշեց զոհուած երեք զինուորները պար -
գեւատրել «Մարտական Ծառայութեան» մետալով:
Պաշտպանութեան բանակը, աւելի ուշ, հաղորդագրութեամբ մը
յայտարարեց, որ անցնող շաբթուան ընթացքին հակառակորդը
զինադադարի դրութիւնը խախտած է շուրջ 300 անգամ, հայկական
դիրքերուն ուղղութեամբ արձակելով ականանետի եւ նռնականետի
կրակոցներ: Պաշտպանութեան բանակը դիմած է պատասխան գոր -
ծողութիւններու, զսպելու համար հակառակորդին խախտումներն ու
սադրանքները, վստահօրէն իրականացնելով մարտական հերթա -
պահութիւն:

recommend to friends
  • gplus
  • pinterest

Աւելցնել մեկնաբանութիւններ

Մեկնաբանություններ