Հայաստանի Հանրապետութեան նախագահ Սերժ Սարգսեան
երէկ այցելեց Երեւանի մէջ Ֆրանսայի դեսպանատուն, ուր
դեսպան Ժան Ֆրանսուա Շարփանթիէն եւ դեսպանութեան
աշխատակիցները շնորհաւորեց Ֆրանսայի ազգային տօնին`
Պասթիյի գրաւման տօնին առթիւ: Սարգսեան վերստին նշեց,
որ Ֆրանսան հայ ժողովուրդին համար հոգեհարազատ երկիր
է, իսկ Հայաստանի համար՝ վստահելի ու լաւ գործընկեր: Նա -
խագահը հաւաստիացուց, որ Հայաստան պիտի շարունակէ
ջանքերը` երկկողմանի յարաբերութիւնները եւ հայ ու ֆրան սա -
ցի ժողովուրդներու բարեկամութիւնը շարունակաբար ամ -
րապնդելու ուղղութեամբ: Սարգսեան ու Ֆրանսայի դեսպանը
քննարկեցին հայ-ֆրանսական բազմաբնոյթ յարաբերութիւն -
ները տարբեր ոլորտներու մէջ ընդլայնելու եւ խորացնելու
հնարաւորութիւնները:
Հայաստանի նախագահը այս առթիւ ուղերձ յղեց իր ֆրան -
սացի պաշտօնակից Էմանուէլ Մաքրոնին, որուն մէջ համոզում
յայտնեց, որ համատեղ ջանքերով կարելի կþըլլայ շարունակել
երկկողմանի ու բազմակողմանի համագործակցութիւնը` ի շահ
երկու ժողովուրդներուն: «Հայաստան մեծապէս կը կարեւորէ
Ֆրանսայի, Ռուսիոյ եւ Միացեալ Նահանգներու դերը ղարա -
բաղ եան հակամարտութեան խաղաղ կարգաւորման հոլովոյ -
թին մէջ: Բարձր կը գնահատեմ Ֆրանսայի աջակցութիւնը
Հայաստանին` եւրոպական ընտանիքի մերձեցումին ծիրին
մէջ», ըսաւ Հայաստանի նախագահը:

recommend to friends
  • gplus
  • pinterest

Աւելցնել մեկնաբանութիւններ

Մեկնաբանություններ